Það er víða hægt að komast í silung og fá góða veiði, vötnin víða um land geyma flotta fiska. Veiðimenn sem voru í Hreðavatni um helgina fengu fína veiði og það virðist vera verulega vænn fiskur víða um vatnið.
,,Við fengum nokkra fiska og nokkrir tóku vel í,“ sögðu veiðimenn sem renndu í vatnið um helgina og fiskurinn var vel haldinn og tók vel hjá veiðimönnum.
Silungsveiðin gengur víða vel, Hraunsfjörðurinn hefur verið að gefa flottar bleikjur og fyrstu laxarnir eru komnir á land á Vatnasvæði Lýsu á Snæfellsnesi.
Mynd. Veiðimenn við Hreðavatn um helgina að reyna að fá þann stóra. Mynd María Gunnarsdóttir.