Veiðihópurinn Njáll var við veiðar á silungasvæði í Vatnsdalsár í Austur-Húnavatnssýslu nýlega eins og hann hefur gert í fjölmörg ár. Aðstæður til veiða hefðu mátt vera betri en bálhvasst var í dalnum og sudda rigning af og til.
Veiðin var sæmileg og veiddust vel á annan tug fiska, bæði urriði og bleikja. Þrír laxar veiddust að þessu sinni og var einn þeirra risavaxinn eða 96 sentímetrar að lengd. Laxinn veiddist í Gilsstaðabaug sem er veiðistaður yfir ofan Flóðið. Hann tók Sunray Shadow með kónhaus.
Veiðimaðurinn heitir Árni Páll Einarsson og var hann 2 klukkustundir og 45 mínútur að landa laxinum. Honum var sleppt að mælingu lokinni eins og lög gera ráð fyrir í Vatnsdalsá. Vatnsdalsá er komin yfir vel yfir 100 laxa.
Mynd. Árni Páll Einarsson með laxinn sem lét hafa fyrir sér. Honum var sleppt aftur.