Við heyrðum í Guðrúnu Unu Jónsdóttur formanni Stangaveiðifélags Akureyrar sem var kampakát. Hún sagði þó að veðurblíða hafi umlukið fólk á Norðurlandi  undanfarnar vikur er sumarið rétt að byrja núna með komu sjóbleikjunnar.

,,Ég er Hörgárunnandi númer eitt og brá mér í eftirlætisána mína um helgina í fyrsta skipti þetta sumarið ásamt spúsa mínum Árna Jóhannessyni. Að þessu sinni lá leiðin á svæði 4 a. Talsvert vatn er í Hörgánni en hún er nokkuð tær. Eins og oft áður breytir áin sér talsvert á þessu svæði milli ára og það er engin breyting á því núna,“ segir Guðrún Una.

Hún segir ennfremur að farvegur Lönguhlíðarkvíslar sem hefur verið þurr til margra ára er það sannarlega ekki lengur.  Bleikjan er alla vega mætt. Við settum í nokkra fiska og komum þremur á land. Þetta voru flottir fiskar á bilinu 47-54 sm. Þeir fengust í hylnum við brúna neðan Mela og vikunum þar fyrir neðan. Beykir, Nobbler og Stirða voru veiðiflugur dagsins.

Mynd: Guðrún Una Jónsdóttir formaður Stangaveiðifélags Akueyrar.