Bleikjunni hefur fækkað víða hrikalega, veðurfarið hefur hlýnað og bleikjan lætur sig bara hverfa. Í Hvítá í Borgarfirði veiddust þegar best var nokkuð þúsund bleikjur, núna veiðast kringum hundrað á svæðinu, hrunið er algjört.
Vestur í Dölum veiddust bleikjur í mörgum veiðiám en núna hefur þeim fækkað verulega svo um munar. Ár sem gáfu kannski þúsund bleikjur, gefa núna 200-250 eins og Hvolsá og Staðarhólsá en laxveiðin hefur aukist verulega.
Út á Mýrum veiddist í einni veiðiá kringum fimm hundruð bleikjur, núna veiðast kannski fjórar til fimm.
Bleikjan er skemmtileg á færi en hún er að hverfa með sama áframhaldi, það er verulega miður, hún er skemmtilegur fiskur á stöngina.
Mynd. Flottar bleikjur komnar á land. Mynd G.Bender