Sjóbirtingsveiðin er á fleygiferð þessa dagana þrátt fyrir kulda og trekk. Við fréttum af veiðimönnum sem voru í Fossálunum og þeir fengu lítið en útiveran var góð.
Atli Bergmann er í Steinsmýrarvötnunum og við heyrðum aðeins í honum í gærmorgun.
,,Það gengur bara vel en ég er kominn með tíu sjóbirtinga og tvær endur. Sá stærsti er 70 cm. Það er kalt núna og ég ætla út þegar hitinn nær upp fyrir frostmark en veðurfarið er fallegt,, sagði Atli að lokum.
Góð veiði hefur verið í Tungulæk og veiðimenn sem voru þar fyrir skömmu veiddu vel af fiski.
Mynd. Atli Bergmann með sjóbirting úr Steinsmýrarvötnum um helgina.