,,Mér líst vel á þetta, þetta er flott,“ sagði veiðikonan Inga Lind Karlsdóttir er hún fékk fyrsta eintakið af Sportveiðiblaðinu sem var að koma út, annað tölublaðið á þessu ári.
Blaðinu var síðan dreift á landbúnaðarsýningunni í Laugardalshöllinni sem haldin var um helgina. Sýningin var vel sótt en talið er um að allt að 45-50 þúsund manns hafi komið á sýninguna.
.,,Þetta var frábær sýning og mikið af fólki af öllu landinu,“ sagði Ólafur M Jóhannsson sýningastjóri.
Auk viðtalsins við Ingu Lind Karlsdóttur er fjallað um maríulaxa í Gufudal, skotveiði, Kalli Lú fer á kostum, 400 punda fiskur í Mexíkó, Skotvís 40 ára, Palli Reynisson í veiðisafninu, ævintýri í Nesi og Timmis hollið svo fátt eitt sé týnt til úr blaðinu.
Mynd. Inga Lind Karlsdóttir prýðir forsíðu blaðsins en hér sést hún á veiðislóðum. Mynd GB