Það voru margir sem fóru að rjúpu um síðustu helgi og einn af þeim var Kjartan Antonsson. Við slógum á þráðinn til Kjartans og inntum hann eftir hvernig gengið hefði í ferðinni.
,,Já, þetta var bara þokkalegur dagur hjá okkur hjónum,“ sagði Kjartan um rjúpnaveiði helgarinnar.
,,Það munaði um góðan veiðihund þar sem rjúpan var mjög dreif um svæðið sem við vorum á. Hundurinn gerði gæfu muninn,“ sagði Kjartan ennfremur ánægður með veiðina um helgina með Eydísi eiginkonu sinni.
Það er misjafnt hvernig mönnum gekk. Sumir löbbuðu mikið og fengu lítið en svona er þetta bara. Næsta helgi verður kannski betri, en það kroppast í jólamatinn og það er fyrir mestu.
Mynd. Eydís Gréta Guðbrandsdóttir með nokkrar rjúpur. Mynd Kjartan