,,Við vorum að dorga aðeins á Langavatni i Reykjahverfi og fengum 5 fiska,“ sagði Matthías Þór Hákonarson maður sem veiðir allan ársins hring. En það hefur verið erfitt að stunda dorgveiði vegna hlýinda en það er ís á einhverjum vötnum fyrir norðan og austan ennþá, hvað sem verður.

,,Við fengu fína urriða og restin var aðeins minni fiskur. Var með tvo erlenda veiðimenn, Ástrala og Bandaríkjamann sem nutu þess að veiða,“ sagði Matthías ennfremur. Hann skrapp síðan daginn eftir með son sinn að veiða og sonurinn fékk góða fiska.

Sunnan heiða hefur verið erfitt að stunda dorgveiði enda ísinn lélegur víða á vötnunum,. Það þarf að frysta og klóna verulega.

Mynd. Bandaríkjamaðurinn með urriða  á Langavatni í Reykjadal. Mynd Matti.