,,Nei, ég hef ekki fengið neitt ennþá en það veiddist fiskur hérna í morgun,“ sagði Björn Metúsalemsson er við hittum hann við Höfuðhylinn í Elliðaánum.
Silungsveiðin er leyfð í hluta Elliðaána þessa dagana og margir nota tækifærið að æfa sig aðeins fyrir sumarið.
,,Þetta er fínasta æfing fyrir sumarið að taka úr sér hrollinn,“ sagði Björn og hélt áfram að kasta flugunni eftir að við trufluðum hann aðeins við veiðiskapinn og honum virtist alveg sama.
Hann hélt áfram að kasta flugunni og fiskurinn vakti en tók ekki. Við létum okkur hverfa. Eitthvað hefur verið að veiðast af urriða en þegar hitastigið er frostmark er kannski ekki mikil von en mjög góð útivera samt. Mynd: María Gunnarsdóttir.