Það var fjölmenni við Elliðaárnar þegar þær opnuðu í morgun enda sannkallaður hátíðardagur. ,,Þetta er flottur dagur,“ sagði Jón Þ. Einarsson og í sama streng tók nýkjörinn borgarstjóri. Dagur B. Eggertsson.

,,Þetta er bara flott og ekki veðurfarið til að skemma þetta, sól og fallegt veður,“ sagði Dagur og klæddi sig í vöðlurnar. Hann ætlaði að renna fyrir fisk eins og hinir, skömmu seinna setti hann í lax.

Veiðin er hafin í Elliðaánum, laxinn er mættur og margir komnir til að skoða stöðuna við ána. Veiðisumarið er hafið af krafti.

Myndir: Þar var líf og fjör við Elliðaárnar í morgun. María Gunnarsdóttir, ljósmyndari, var á svæðinu og tók þessar myndir.