Öllum almenningi er boðið að veiða frítt í Ölfusárós dagana 22.-24. júní í landi Eyrarbakka í tilefni Jónsmessuhátíðar sem haldin er ár hvert. Veiðisvæðið er Ölfusárós-Stakkholt(Engjar) og efsta svæði svo kallað.
Við ósinn er mestmegnis notast við spún og flugu sem hentar vel fyrir börnin. Stakkholtið er mestmegnis letingjaveiði líkt og efstasvæðið.
Þegar helginni lýkur þar sem aðgangur er ókeypis eru veiðileyfi seld af Björgunarsveitinni Björg á Eyrarbakka. Sumarkort sér Björgunarsveitin Björg einnig um. Dagsleyfi á stöng er 2000 kr. Sumarkort á stöng er 18000 kr.