Veiðin fór vel af stað í Norðurá í Borgarfirði í morgun og núna eru komnir sex laxar á land. Þórunn Sveinbjörnsdóttir, formaður Landssambands eldri borgara, veiddi annan laxinn á Brotinu og var ánægð með laxinn.
,,Þetta var meiriháttar gaman og 50 ár síðan veiddi fisk á stöng,“ sagði Þórunn í samtali við Veiðipressuna.
Skömmu síðar setti Sindri Sigurgeirsson, formaður Bændasamtaka Íslands, í lax en missti hann eftir snarpa baráttu.
Á myndinni er Þórunn með laxinn og Þorsteinn Stefánsson veitir henni hjálparhönd við veiðiskapinn.
Mynd: María Gunnarsdóttir.