,,Við fengum ellefu laxa fyrsta daginn og það veiddust tíu fyrir hádegi og einn eftir hádegi. Aðstæður voru frekar erfiðar,“ sagði Reynir M. Sigmundsson er við heyrðum í honum á Blöndubökkum en áin opnaði í gærmorgun.
Áin er vatnsmikil þessa dagana og svolítið erfið til veiða. ,,Sól, mikið vatna í ánni en ágæt veiði á fyrsta degi,“ sagði Reynir ennfremur.
Fjölmargar veiðiár opna núna í vikunni og má í því sambandi nefna Kjarrá og Laxá í Kjós sem opnar fimm dögum fyrr en í fyrra.
Mynd. Reynir M Sigmundsson með lax eftir hádegi í gær í Blöndu. Mynd ÁB