,,Maður er orðin pínulítið spenntur að byrja veiðina í Langá á Mýrum . Það er alltaf gaman að byrja veiðina með góðum vinum,“ sagði Jogvan Hansen er við heyrðum í honum. Veiðin í Langá hefst 19. júní og það hafa sést laxar í henni fyrir nokkru síðan.

,,Ég og tengdó kíktum aðeins upp af Langá i fyrradag,  svona aðeins til að skoða og við sáum laxa. Maður er alltaf jafn spenntur að byrja að veiða og ekki skemmir fyrir að sjá laxa í ánni,“  sagði Jógvan sem ætlar að veiða á nokkrum stöðum í sumar eins og Langá og Veiðivötnum meðal annars.

Mynd. Jógvan Hansen á veiðislóðum í Langá á Mýrum.