Hinn árlegi vorfagnaður Stangaveiðifélags Reykjavíkur verður haldinn við höfuðstöðvar félagsins að Rafstöðvarvegi 14 á laugardaginn kemur, 9. júní, frá klukkan 13-16.

Allir sem mæta í dalinn fá happdrættismiða. Dregið verður úr þeim miðum sem verða á staðnum. Í vinning eru Veiðikort og stangir í opnun Elliðaánna.

Áhugasamir eru hvattir til að mæta með góða skapið og ekki væri verra ef allir gætu lagst á bæn og beðið um það blíðskaparveður sem við höfum verið blessuð með undanfarin þrjú ár.

Dagskráin er svohljóðandi:

• Kl. 13 – 16 – Snarkandi pylsur á grillinu og ískalt gos fyrir gesti (meðan birgðir endast).

• Kl. 14:00 – Kastsýning á túninu.

• Kl. 13 – 16 – Jóhannes Sturlaugsson frá Laxfiskum sýnir gönguseiði og verður með fræðslu um lífríki Elliðaánna.

• Kl. 15:00 – Gengið meðfram Elliðaánum í fylgd með reyndum leiðsögumönnum, farið verður yfir svæðið frá Ullarfossi og niður að sjó.