Jóhanna Hildur Árnadóttir smitaðist af veiðibakteríunni um helgina þegar hún fékk maríulaxinn sinn í Kjarrá og veiddi svo auk hans fimm aðra laxa, þar af þrjá tveggja ára.
Hún var á ferð með foreldrum sínum, Árna Haukssyni og Ingu Lind Karlsdóttur en hún er yngsta barn þeirra hjóna. Leiðsögumaðurinn Erik W. Koberling aðstoðaði Jóhönnu Hildi og kenndi henni allt það helsta sem veiðimenn þurfa að kunna og skilja.
Fín veiði hefur verið í Þverá og Kjarrá í sumar og árnar eru þær efstu yfir landið ennþá.
Mynd: Með Erik W. Koberling, leiðsögumanni og vini, að sleppa 84 cm hæng í Wilson. Það getur verið erfitt að halda á svona stórum, spriklandi löxum og þessi notaði tækifærið og flaug til baka út í ána.