,,Ég fór aðeins að veiða fyrir vestan í Önundarfirði og setti í einn fisk á fluguna, stoppaði stutt en veðurfarið hefur verið svo gott,“ sagði veiðimaðurinn Árni Kristinn Skúlason,  er við heyrðum í honum á Flateyri í gær.

Veiðimenn eru töluvert á hreyfingu þessa dagana, veðurfarið er meiriháttar og erfitt að gera ekki neitt.

,,Þetta var gaman fiskurinn tók fluguna Dýrbit og tók á hörku strippi, bara gaman,“ sagði Árni Kristinn ennfremur.

Tveir veiðimenn voru að kasta flugunni í Hólmsá í vikunni og annar setti í fisk, það er janúar og 6 stiga hiti. Einn var uppá Hafravatni og þar var sama blíðan. Svona er þetta bara þessa dagana í veiðinni.

Mynd. Ufsinn er Árni veiddi í Önundarfirði á fluguna Dýrbít. Mynd Árni Kristinn.