Síðdegis á sunnudag bárust lögreglunni í Vejle í Danmörku tilkynningar um par sem stundaði kynlíf á bifreiðastæði í bænum. Þeim hafði greinilega ekki tekist að ráða við hvatir sínar og hófu því leika á bílastæðinu, vel að merkja ekki í bíl heldur bara á bílastæðinu sjálfu og létu vegfarendur ekki trufla sig.

Þegar lögreglumenn komu á vettvang klukkan 14.45 lá maðurinn ofan á konunni og voru samfarir í fullum gangi. Maðurinn var aðeins í sokkum en konan hafði dregið kjól sinn upp um sig. Þau létu komu lögreglumannanna ekki á sig fá og héldu ótrauð áfram. Það var ekki fyrr en lögreglumennirnir öskruðu á þau að þau hættu.

Fólkið, 27 ára karl og 41 árs kona, vildu ekki tjá sig um málið en bæði eiga von á sekt fyrir ástarleikinn þar sem þetta braut gegn blygðunarsemi fólks.

Talsmaður lögreglunnar sagði í samtali við JV að hugsanlega hafi hinn mikla veðurblíða, sem hefur verið í Danmörku undanfarið, gert það að verkum að fólkið réði ekki við sig og hóf ástarleik á bílastæðinu.