16 ára piltur hefur verið handtekinn vegna morðsins á Alesha MacPhail en hún fannst látin á skosku eyjunn Isle of Bute á mánudaginn eftir að hún hvarf úr rúmi sínu um nóttina. Alesha var aðeins sex ára.

Lögreglan hefur lítið vilja segja um þann handtekna annað en að hann sé yngri en 18 ára. Mirror segir að hann sé 16 ára. Sky segir að lögreglan biðji fólk enn um upplýsingar vegna málsins og hefur eftir Stuart Houston, yfirlögregluþjóni, að viðbrögð almennings hafi verið góð og margar ábendingar hafi borist. Hann lýsti jafnframt eftir fleiri vitnum sem gætu hafa verið nærri heimili Alesha þessa örlagaríku nótt. Einnig bað hann alla þá sem eru með eftirlitsmyndavélar eða bíleigendur, með upptökuvélar í bílunum, sem gætu verið með myndefni, sem gæti gagnast við rannsóknina, að gefa sig fram.

Málið hefur fengið mikið á íbúa Isle of Bute en þeir eru tæplega 7.000.