Á áttunda tímanum í gærkvöldi hafði lögreglan afskipti af þremur mönnum sem voru að selja fíkniefni úr bifreið í Breiðholti. Einnig voru höfð afskipti af manni sem var nýbúinn að kaupa fíkniefni af mönnunum. Á svipuðum tíma voru afskipti höfð af tveimur mönnum við Ingólfsstræti vegna vörslu fíkniefna.
Fjórir ökumenn voru handteknir í gærkvöldi og nótt grunaðir um akstur undir áhrifum fíkniefna. Einn þeirra reyndist vera sviptur ökuréttindum og annar hefur aldrei öðlast slík réttindi auk þess að vera með fíkniefni í fórum sínum.
Einn ökumaður var stöðvaður í gærkvöldi fyrir að aka bifreið þrátt fyrir að hafa verið sviptur ökuréttindum.