fbpx
Þriðjudagur 26.mars 2019
Pressan

Svíar urðu að fá erlenda aðstoð í baráttunni við skógareldana því þeir höfðu eytt öllu fé ríkisins í innflytjendur og kynjafræði – Eða hvað?

Kristján Kristjánsson
Þriðjudaginn 14. ágúst 2018 19:00

Skjáskot af umfjöllun Poland Daily.

Ekki missa af Helstu tíðindum dagsins í pósthólfið þitt

Lesa nánar

Hinir miklu skógareldar í Svíþjóð í sumar hafa getið af sér margar sögur sem hafa reynst vera uppspuni frá rótum. Sumar þeirra hafa ratað í fjölmiðla og hafa jafnvel verið búnar til af fjölmiðlum til að ýta undir ákveðnar hugmyndir og styrkja ákveðna málstaði. Samfélagsmiðlar hafa einnig verið gróðrarstía falsfrétta í tengslum við eldana.

Ein færsla sem fór eins og eldur í sinu um Facebook var að Svíar hefðu hafnað aðstoð frá Rússum í baráttunni við eldana og að ástæðan væri eingöngu að þeim væri í nöp við Rússa, haldnir Rússafóbíu. Þetta er rangt en rétt er að Svíar höfnuðu tilboði Rússa um aðstoð í baráttu við skógarelda 2014 þar sem loftrýmið yfir eldunum gat ekki tekið við fleiri flugförum en þá þegar voru við slökkvistörf.

Pólskir slökkviliðsmenn lögðu Svíum lið í baráttunni í sumar. Þegar þeir sneru aftur heim nýtti pólsk sjónvarpsstöð tækifærið til að búa til tengingu á milli frjálslynds sænsks gildismats og þarfarinnar fyrir erlenda aðstoð. Pólska sjónvarpsstöðin Republika sagði að Svíar hefðu orðið að fá aðstoð erlendis frá því þeir hefðu eytt öllum fjármunum ríkisins í innflytjendur og kennslu kynjafræði í stað þess að styrkja almannavarnir og viðbragðsaðila.

Á þessum tveimur fréttum er sá munur að það var einstaklingur sem kom sögunni á kreik á Facebook en í hinu var það sjónvarpsstöð sem bjó einfaldlega til ranga frétt. Það er engin tilviljun að Republika réðst á Svíþjóð með þessum hætti en stöðin er þjóðernissinnuð, íhaldssöm og kaþólsk og tengd ríkisstjórn landsins traustum böndum. Stöðin fjallar oft um málefni innflytjenda og kynjahlutverk og því virðist hafa legið beint við hjá henni að ráðast á Svíþjóð með þessum hætti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Nóttin sem tónlistin dó

Nóttin sem tónlistin dó
Í gær

Framkvæmdastjórinn hættir hjá SVFR

Framkvæmdastjórinn hættir hjá SVFR
Pressan
Fyrir 3 dögum

Rúður sprungu í sex kílómetra radíus

Rúður sprungu í sex kílómetra radíus
Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 4 dögum

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði
Pressan
Fyrir 4 dögum

Minni líkur á að Evrópubúar og Bandaríkjamenn fái elliglöp en áður

Minni líkur á að Evrópubúar og Bandaríkjamenn fái elliglöp en áður
FréttirPressan
Fyrir 4 dögum

Morðingi Aleshu játar brot sín: Sýnir mörg einkenni um andfélagslegan persónuleika

Morðingi Aleshu játar brot sín: Sýnir mörg einkenni um andfélagslegan persónuleika
Pressan
Fyrir 4 dögum

„Allir vinir mínir skotnir til bana en ég fékk ekki skrámu“

„Allir vinir mínir skotnir til bana en ég fékk ekki skrámu“