Eldur kom upp á stúdentagörðum í Jönköping í Svíþjóð á þriðja tímanum í nótt. 11 voru fluttir á sjúkrahús. Sumir hoppuðu út frá sjöundu hæð til að komast undan eldinum. Flestir eru með reykeitrun og ekki taldir alvarlega slasaðir en tveir eru taldir alvarlega slasaðir eftir að hafa hoppað frá sjöundu hæð.

Það tók um eina og hálfa klukkustund að slökkva eldinn. Slökkvilið notaði stigabíla til að bjarga fólki úr brennandi húsinu og einnig voru notaðir stórir uppblásnir púðar sem fólk lenti á þegar það hoppaði út. Slökkviliðsmenn eru enn að störfum í húsinu og fara nú um það allt til að fullvissa sig um að allir hafi komist út.