Þýski bankinn Deutsche Bank ætlar að flytja allt að 75% af eignasafni sínu í Bretlandi frá landinu til Frankfurt am Main í Þýskalandi ásamt því að stór hluti þeirra 8.000 starfa hjá útibúi þeirra í Lundúnum mun færast einnig til Frankfurt am Main. Þetta kemur fram í yfirlýsingu sem bankinn sendi frá sér í dag. Deutsche Bank er með gífurlegar háar upphæðir í eignasafni sínu í Bretlandi en talið er að um 450 milljarða evra muni færast frá landinu yfir til Þýskalands.
Er þetta bein afleiðing vegna áætlana Bretlands að yfirgefa Evrópusambandið og eru mörg af stærstu fjármálafyrirtækjum í Lundúnum sögð vera skipuleggja svipaðar aðgerðir og Deutsche Bank hefur tilkynnt um. Verði af miklum flutningi fjármálafyrirtækja frá Bretlandi getur það ekki bara þýtt færri störf heldur einnig getur það haft áhrif á efnahag landsins í heild.