Ríkisstjórn Donald Trump ætlar að taka á móti færri flóttamönnum á næsta ári en þessu ári en þetta er annað árið í röð sem ríkisstjórnin sker niður í þessum málaflokki. Á næsta ári fá 30.000 innflytjendur og flóttamenn að hámarki að koma til landsins.

Á þessu ári mega 45.000 flóttamenn og innflytjendur koma til landsins og eru það færri en hafa fengið að koma á undanförnum árum. Mike Pompeo, utanríkisráðherra, sagði í gær að ríkisstjórnin hafi gert endurbætur á stefnunni í þessum málum til að tryggja hagsmuni Bandaríkjanna og auka möguleikana á að aðstoða nauðstatt fólk um allan heim.

”Við erum og viljum vera örlátasta þjóð heims.”

Mörg mannréttindasamtök hafa gagnrýn Bandaríkin fyrir að taka á móti of fáum flóttamönnum. Samtökin Human Rights First fordæma þessa ákvörðun og segja hana vera skammarlega afneitun á verstu flóttamannakrísu sögunnar.

Til samanburðar má nefna að Bandaríkin tóku á móti 85.000 flóttamönnum síðasta árið sem Barack Obama sat á forsetastóli.