Á tólfta tímanum í gærkvöldi var lögreglunn í Stokkhólmi tilkynnt að skotbardagi stæði yfir í Bagarmossen. Fylgdi tilkynningunum að fólk væri þar á hlaupum með skotvopn á lofti og væri að skjóta á hvert annað. Þrír særðust í átökunum og í nótt voru sjö handteknir vegna málsins.

Tvær særðust af völdum skota og einum var misþyrmt illilega. Lögreglan segir ekki ljóst hversu alvarleg meiðsl fólksins eru.

Aftonbladet skýrir frá þessu. Segir blaðið að sjö manns hafi verið handteknir í nótt en þeir séu grunaðir um að hafa komið við sögu í átökunum í gærkvöldi. Átökin fóru fram á stóru svæði í hverfinu og er haft eftir talsmanni lögreglunnar að þeir sem tóku þátt í þeim hafi elt hver annan á hlaupum.