fbpx
Mánudagur 25.mars 2019
Pressan

Átti þrjá milljarða á bankabók og vissi ekki af því – Lífið verið martröð eftir að hann komst að því

Ritstjórn Pressunnar
Laugardaginn 6. október 2018 10:01

Miklir fjármunir fara í gegnum vefsíður sem þessar. Mynd:Pixabay

Ekki missa af Helstu tíðindum dagsins í pósthólfið þitt

Lesa nánar

Hvað myndirðu gera ef þú fengir fréttir af því að á bankareikningnum þínum hefðu verið rúmir þrír milljarðar króna? Þú yrðir líkast til undrandi og jafnvel svekktur ef þú kæmist svo að því að peningarnir væru þar ekki lengur.

Þó þetta hljómi eins og skáldsaga er þetta raunin hjá Muhammad Abdul Qadir, íssala í Karachi í Pakistan. Qadir hefur tvívegis að undanförnu verið kallaður til yfirheyrslu hjá lögreglu vegna málsins.

Þannig er mál með vexti að árið 2014 var opnaður bankareikningur hjá ríkisbanka Pakistans í nafni Qadirs. Auðkenni hans voru notuð, reikningurinn var á hans nafni og í raun átti hann peningana, rúma þrjá milljarða króna, sem fóru inn á reikninginn á sínum tíma en hurfu svo stuttu síðar. Reikningnum var svo lokað árið 2015.

Eðlilega vildu yfirvöld kanna hvort þarna væri maðkur í mysunni; hugsanlegt peningaþvætti eða þaðan af verra enda hringja svo stórar upphæðir ákveðnum viðvörunarbjöllum í eftirlitskerfum bankastofnana. Qadir var kallaður til yfirheyrslu í september en þvertekur fyrir að vita hvaðan allir þessir peningar komu.

Í umfjöllun Guardian kemur fram að Qadir sé bláfátækur íssali sem er búsettur í fátækrahverfi í stórborginni Karachi. Hann kveðst ekki einu sinni kunna að skrifa og því hafi verið ómögulegt fyrir hann að kvitta undir alla þá pappíra sem skrifað var undir í tengslum við bankareikninginn.

Lögregla tók mark á skýringum hans en þrátt fyrir það segir Qadir að líf hans hafi breyst í martröð að undanförnu. Qadir, sem er 52 ára, segir að hann verði fyrir áreiti úti á götu. Sumir haldi að hann tengist einhverju misjöfnu og sitji jafnvel á stórfé. Þá segist móðir hans óttast að honum verði rænt og lausnargjalds krafist.
„Ég er óheppnasti maður í heimi,“ segir Qadir sem kveðst hafa neyðst til að hætta að vinna meðan stormurinn gengur yfir.

Yfirvöld í Pakistan hafa ekki útilokað að málið tengist umfangsmiklu peningaþvættismáli sem teygir anga sína til fyrrverandi forseta landsins, Asif Ali Zardari.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 3 dögum

Boeing í veseni: Flugfélagið afpantar 49 þotur

Boeing í veseni: Flugfélagið afpantar 49 þotur
Pressan
Fyrir 3 dögum

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu
Pressan
Fyrir 3 dögum

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga
FréttirPressan
Fyrir 4 dögum

Morðingi Aleshu játar brot sín: Sýnir mörg einkenni um andfélagslegan persónuleika

Morðingi Aleshu játar brot sín: Sýnir mörg einkenni um andfélagslegan persónuleika
Pressan
Fyrir 4 dögum

„Allir vinir mínir skotnir til bana en ég fékk ekki skrámu“

„Allir vinir mínir skotnir til bana en ég fékk ekki skrámu“
Pressan
Fyrir 4 dögum

Sæðið varð prestinum að falli

Sæðið varð prestinum að falli
Pressan
Fyrir 4 dögum

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar