Það eru einkum þrír staðir á heimilinu sem ætti að gefa sérstakan gaum og þrífa sérstaklega vel þegar verið er að þrífa.
Eldhúsið er þar á meðal og þarf kannski ekki að koma á óvart því bakteríur þrífast best á röku og hlýju yfirborði og þar er eldhúsið kjörlendi. Tuskur og klútar eru oft rakir og því þarf að muna að skipta oft um klúta og tuskur í eldhúsinu. Kaffivélin er einnig hlutur sem þarf að gefa góðan gaum við þrifin. Í rannsókn sem The Publich Health and Safety Organization gerði fyrir nokkrum árum á hreinlæri á 22 heimilum fundust fleiri bakteríur í kaffivélum en á klósettsetum.
Það er mikilvægt að skipta oft um á rúmum því milljarðar af bakteríum lifa á líkömum okkar og þær losna af þegar við liggjum í rúminu. Ef þú ætlar að hrista sængina er best að gera það utanhúss svo bakteríurnar svífi ekki bara niður í rúmið. Svo er auðvitað gott að lofta vel út í svefnherberginu og auðvitað öðrum rýmum.
Það ætti síðan ekki að koma á óvart að baðherbergið þarf að þrífa vel. Handþvottur er nauðsynlegur eftir salernisferð því annars geta bakteríur, jafnvel saurgerlar, setið á höndum fólks og orðið eftir þegar það snertir einhverja fleti. Mikilvægt er að hreins tannburstaglasið reglulega sem og annað sem er inni á baðherbergjum.