Ástralska Instagram-stjarnan Raquel Yasmine Petit er grunuð um aðild að alþjóðlegum eiturlyfjahring og þarf hún að mæta fyrir dóm í Melbourne vegna málsins.
Raquel er ákærð fyrir aðild að smygli á miklu magni af sterum til Ástralíu og er hún talin hafa þénað sem nemur milljónir á smyglinu. Þá er hún sökuð um skjalafals með því að hafa framleitt og notað fölsuð skjöl, ökuskírteini þar á meðal.
Raquel hefur neitað sök í málinu sem fleiri eru ákærðir fyrir aðild að. Þannig eru tveir meðákærðu grunaðir um smygl á kókaíni og metamfetamíni til Ástralíu, en Raquel er ekki grunuð um aðild að því máli þó málin tengist óbeint.
Þessi 25 ára gamla fyrirsæta hefur notið mikillar velgengni undanfarin misseri og eru fylgjendur hennar á Instagram tæplega 150 þúsund talsins.
