Brett Kavanaugh hefur verið skipaður dómari við Hæstarétt Bandaríkjanna. Óhætt er að segja að málið hafi vakið athygli en Kavanaugh var sakaður um kynferðislegt ofbeldi af þremur konum. Kavanaugh neitaði þessum ásökunum.
Kavanaugh var svarinn í embætti í gærkvöldi eftir atkvæðagreiðslu í öldungadeildinni sem fór 50-48. Leita þarf aftur til ársins 1881 til að finna hæstaréttardómara sem samþykktur er með jafn litlum mun. Einn Repúblikani kaus gegn Kavanaugh en það var Lisa Murkowski. Þá kaus einn Demókrati með Kavanaugh, en það var Joe Manchin frá Vestur-Virginíu.