Þegar Serge og Beate Klarsfeld gengu í hjónaband árið 1963 gáfu þau hvort öðru eitt loforð. Loforðið var þeim mikið hjartans mál og var markmiðið að uppfylla það þegar fram liðu stundir.
Serge og Beate vildu gera allt sem í þeirra valdi stóð til að hundelta Nasistana sem létu til sín taka á tímum helfararinnar. Vinna þeir bar loks ávöxt árið 1971 þegar þau fundu Klaus Barbie, sem nefndur var Slátrarinn frá Lyon. Barbie er talinn bera ábyrgð á pyntingum og dauða fjölmargra fanga í heimaborg sinni, Lyon.
Klaus hafði komið sér fyrir í Suður-Ameríkuríkinu Bólivíu. Þar sem enginn framsalssamningur var í gildi milli Frakklands og Bólivíu liðu mörg ár þar til hann var frameldur. Það gerðist eftir stjórnarskipti í landinu árið 1983. Hann var dæmdur í fangelsi fyrir glæpi gegn mannkyni og dó í frönsku fangelsi árið 1991 af völdum krabbameins.
55 árum eftir að Klarsfeld-hjónin gengu í hjónaband voru þau loks heiðruð af forseta Frakklands. Það gerðist á mánudagskvöld í athöfn með Emmanuel Macron Frakklandsforseta. Fengu þau bæði eina æðstu orðu sem veitt er í Frakklandi.
Faðir Serge lést í Auschwitz og sjálfum tókst honum að komast með naumindum úr klóm nasista og þýsku leyniþjónustunnar.
Barbie var ekki eini nasistinn sem þau hjónin fundu því vinna þeirra leiddi einnig til þess að tíu aðrir slíkir fundust og voru síðar sakfelldir.