Gamla fréttin á Pressunni: Denise Rutkowski var nokkuð þekkt í vaxtaræktarheiminum á tíunda áratug síðustu aldar og landaði ýmsum verðlaunum. Þótti hún afar glæsileg. Það var ekkert leyndarmál að hún notaði stera til að svindla og styrkja líkama sinn. Árið 1994 flutti hún á heimaslóðir í Texas og hóf nám í biblíuskóla. Tveimur árum síðar ferðaðist hún um Bandaríkin til að predika. Þá spyrst ekki til Denise fyrr en árið 2012 er hún var handtekin. Þá kom í ljós að líf hennar hafði ekki verið neinn dans á rósum síðustu árin en eiturlyf og mikil steranotkun höfðu tekið sinn toll. Fjallað var um Denise á vaxtaræktarvefnum Spotmebro og samskiptamiðlinum Reddit.
Steranotkun á Íslandi hefur aukist mikið og er áhyggjuefni. Algengt er að ungir menn noti stera til að verða stærri og „fallegri“. Vitað er að strákar niður í fermingaraldur hafi verið að prófa stera og segir Skúli Skúlason, formaður lyfjaráðs ÍSÍ, að um vaxandi vandamál sé að ræða.
Á vef SÁÁ segir að undanfarin ár hafi nýr hópur steramisnotenda orðið áberandi: þeir sem nota sterana til að ná árangri í starfi. Um er að ræða dyraverði, lögreglumenn og þá sem sinna öryggisgæslu. Handrukkarar og fíkniefnasalar eru einnig sólgnir í stera. En það eru ekki bara karlmenn sem nota stera, það gera konur líka líkt og í tilfelli Denise. Stutt er síðan að viðtal við Ragnhildi Gyðu Magnúsdóttir vakti t athygli en hún sagðist nota stera skynsamlega. Aukaverkanir af inntöku stera getu verið mjög alvarlegar, jafnvel dauði.
Mynd tekin af lögreglunni í kringum 2010 – Á myndinni er hún líkari karlmanni.
Á vef Reddit var það sérstaklega tekið fram að Denise hafi ekki farið í kynskiptiaðgerð. Um sé að ræða áhrif stera- og eiturlyfjanotkunar.
