Bandaríski leikarinn Verne Troyer, sem lést í apríl síðastliðnum 49 ára að aldri, svipti sig lífi. Þetta er samkvæmt niðurstöðum rannsóknar sérfræðings í réttarlækningum.
Troyer var einna þekktastur fyrir túlkun sína á Mini Me í gamanmyndunum um spæjarann Austin Powers.
Troyer glímdi lengi við áfengisfíkn og er áfengisneyslan talin hafa átt þátt í dauða hans, að því er TMZ greinir frá. Tæpum þremur vikum fyrir andlát hans var hann fluttur á sjúkrahús vegna áfengiseitrunar. Átján dögum síðar lést hann.
Auk þess að glíma við áfengisfíkn glímdi Troyer við þunglyndi í áraraðir.
