Í mars var kærustupar saman í íbúð og borðaði hádegismat saman. Þau drukku töluvert mikið áfengi með matnum og fljótlega varð stemmningin á milli þeirra miður góð. Þau byrjuðu að rífast hástöfum og eftir smá tíma greip konan um pung mannsins og sneri harkalega upp á.

Karlinn er á sextugsaldri og konan á fimmtugsaldri. Fyrir dómi í Noregi, þar sem fólkið býr, sagði maðurinn að hann hafi haldið að það væri að líða yfir hann af sársauka. Hann sagðist í örvæntingu sinni hafa reynt að fá konuna til að sleppa takinu. Hann reyndi meðal annars að losa fingur hennar af pungnum og trampa á tám hennar.

Þegar konan sleppti loks takinu sá maðurinn að blóð á gólfinu og áttaði sig síðan á að það var frá kynfærum hans. Hann varð að fara til læknis sem saumaði 12 spor í punginn.

Konan var dæmd í 100 daga fangelsi og var það virt til refsiþyngingar að ofbeldið sem hún beitti hann var sérstaklega sársaukafullt. Maðurinn hlaut þó ekki varanlegt mein af.