Eftirlitsmenn LARA fóru strax á vettvang og fundu hólfið á nákvæmlega þeim stað sem sagt var frá í bréfinu. Lögreglan var þá kölluð á vettvang. Í hólfinu fundust líkamsleifar 11 kornabarna.
Málið hefur vakið mikla athygli í Bandaríkjunum og víðar enda mjög sérstakt. Níu af líkunum voru í pappakassa en tvö í kistum. Í umfjöllun Washington Post kemur fram að líkin séu líklegast af andvana fæddum börnum.
Lögreglan segist nú þegar vita deili á sumum líkanna en nú taki við rannsókn réttarmeinafræðinga. Lögreglan mun einnig rannsaka málið ítarlega til að finna út af hverju líkin voru geymd í þessu hólfi.
Yfirvöld lokuðu útfararstofunni í apríl vegna ýmissa brota á lögum og reglum. Þá höfðu eftirlitsmenn komið þar til eftirlits og fundu tvö lík sem voru moldu vaxinn. Andlit þriðja líksins var þakið dularfullum vökva. Eftirlitsmennirnir töldu víst að líkin hefðu verið geymd í skúr, sem var ekki með kælibúnaði, vikum eða mánuðum saman.
Eigandi útfararstofunnar sagði þá í samtali við fjölmiðla að hann hefði verið að geyma líkin fyrir ættingja þar til þeir gætu greitt fyrir útfarir fólksins. Hann hafi verið að gera þeim greiða.