fbpx
Föstudagur 19.apríl 2019
Pressan

Foreldrar Madeleine McCann stefna umdeildum lögreglumanni fyrir dóm – Mokar inn peningum á umdeildri bók

Kristján Kristjánsson
Þriðjudaginn 6. nóvember 2018 08:22

Madeleine McCann.

Ekki missa af Helstu tíðindum dagsins í pósthólfið þitt

Lesa nánar

Kate og Gerry McCann, foreldrar Madeleine McCann, hafa stefnt portúgalska lögreglumanninum Goncalo Amaral vegna bókar hans „Sannleikurinn um lygina“ sem fjallar um hvarf Madeleine úr sumarleyfisíbúð fjölskyldunnar í Algarve í Portúgal í maí 2007 en hún var þá þriggja ára. Síðan þá hefur hvarf Madeleine verið rannsakað af portúgölsku og bresku lögreglunni en án árangurs.

Amaral stýrði rannsókn portúgölsku lögreglunnar til að byrja með en tókst ekki að leysa málið. Hann er sagður moka inn peningum á bók sinni og það hefur reitt foreldra Madeleine til reiði. Í bókinni sakar Amaral þau um að hafa sett mannrán á svið til að fela sannleikann sem að hans sögn er að þau hafi verið völd að dauða hennar, beint eða óbeint.

Amaral hefur haft sem svarar til um 50 milljóna íslenskra króna upp úr krafsinu á útgáfu bókarinnar samkvæmt því sem fram kemur í dómsskjölum. McCann hjónin hafa nú vísað máli sínu gegn Amaral til Mannréttindadómstóls Evrópu. Þau krefjast bóta vegna þeirra ærumeiðinga og sársauka sem hann hefur að sögn valdið þeim með staðhæfingum sínum í bókinni. Þau óttast að hann sé nú með nýja bók um málið í burðarliðnum.

„Sannleikurinn um lygina“ kom út 2008 og var gefin út á mörgum tungumálum. 150.000 eintök höfðu selst þegar McCann hjónunum tókst að fá dómstól til að stöðva sölu hennar. Amaral gafst þó ekki upp og hafði sigur í málinu fyrir hæstarétti Portúgals 2015 og bókin var aftur fáanleg. Hjónin voru einnig dæmd til að greiða honum sem nemur um 170 milljónum íslenskra króna í bætur.

„Madeleine lést í íbúð 5a að kvöldi 3. maí. Það gæti hafa verið slys vegna lyfjagjafar eða sjúkdóms. Foreldrarnir bera ábyrgð á þessu.“

Sagði hann í blaðaviðtali 2016. Hann staðhæfir einnig að McCann hjónin hafi losað sig við lík Madeleine með því að brenna það.

Ekki er reiknað með að Mannréttindadómstóllinn taki málið fyrir fyrr en 2021. Ef McCann hjónin tapa því geta þau ekki aðhafst neitt lengur til að stöðva sölu bókarinnar og verða að greiða Amaral fyrrnefndar bætur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ein lengsta aparóla heims slitnaði með skelfilegum afleiðingum

Ein lengsta aparóla heims slitnaði með skelfilegum afleiðingum
Pressan
Í gær

Ríkasti maður Kína: „72 tíma vinnuvika er gjöf“

Ríkasti maður Kína: „72 tíma vinnuvika er gjöf“
Pressan
Fyrir 2 dögum

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar
Pressan
Fyrir 2 dögum

Í mál við mömmu og pabba því þau hentu klámsafninu

Í mál við mömmu og pabba því þau hentu klámsafninu