The Guardian segir að Whitaker hafi starfað hjá fyrirtækinu World Patent Marketing (WPM) og hafi verið ráðgefandi stjórnarmaður. Fyrirtækið starfaði í Flórída og stóð á bak við svikastarfsemi sem ”hafði milljónir dollara af mörg þúsund manns” sögðu yfirvöld fyrr á árinu.
Fyrirtækið lokkaði vongóða uppfinningamenn til að greiða mörg þúsund dollara fyrir að fá einkaleyfi á uppfinningum þeirra. En fyrirtækið stóð ekki við allt sem það lofaði. Guardian segir að margir uppgjafarhermenn hafi verið meðal þeirra sem voru sviknir af fyrirtækinu. Fyrirtækið var dæmt til að greiða 26 milljónir dollara í sekt.
Dómsskjöl frá alríkisdómstól sýna að þegar reiðir viðskiptavinir reyndu að fá peningana sína endurgreidda sá Whitaker um að hafa í hótunum við þá. Meðal annars er afrit af tölvupósti sem hann sendi einum viðskiptavini. Whitaker hlaut þó ekki dóm í tengslum við málið.