Nýlega var leynd aflétt af skjölum bandaríska hersins sem snúa að áhrifum sólstorma hér á jörðinni. Öflugir sólstormar geta hafa mikil áhrif hér á jörðinni og geta lamað nútímasamfélög því þeir geta lamað raforku- og fjarskiptakerfi.

Í nýrri rannsókn Delores J. Knipp, hjá University of Colorado, er fjallað um sólstorma og þar á meðal einn sem skall á jörðinni 4. ágúst 1972. Þessi sólstormur, eða rafmagnaðar agnir frá sólinni, hafði þau áhrif að fjöldi jarðsprengja, sem Bandaríkin höfðu komið fyrir við strendur Víetnam, sprungu. Samkvæmt skjölum hersins er talið að 4.000 jarðsprengjur hafi sprungið samtímis.

Þessi sólstormur var mjög öflugur, nær jafn öflugur og sá sem skall á jörðinni 1859. Áhrifa hans gætti víða því norðurljós sáust þá um allan heim. Ef álíka öflugur sólstormur myndi skella á jörðinni núna myndi hann eins og fyrr segir lama raforku- og fjarskiptakerfi um allan heim.