Hann býr í Spydeberg í Noregi og stundar nám í framhaldsskóla þar. Hann er með sjaldgæfan litningagalla en er að flestu leyti eins og annað ungt fólk á þessum aldri. Honum finnst gaman að spila í leikjatölvum, er virkur á samfélagsmiðlum og fylgist með tísku og straumum.
Nýlega byrjaði hann að nota vinsælt app, TikTik, sem er notað til að deila myndböndum og vera með beinar útsendingar. En ekki leið á löngu áður en gróf orðræða og alls kyns viðbjóður byrjaði að dynja á honum. Margir báðu hann um að taka eigið líf.
„Það er ekki í lagi að skrifa svona, það er hræðilegt. En ég læt þetta ekki á mig fá, ég á marga aðra vini.“
Sagði hann í samtali við Norska ríkisútvarpið.
Móðir hans vakti athygli á málinu og hefur það vakið mikla athygli.
„Þetta var hræðilegt. Það er ógnvekjandi að sjá hvað er í gangi í raun og veru. Það er augljóst að maður óttast að barni manns líði illa.“
Sagði móðir hans.
Nærsamfélagið hefur einnig brugðist við málinu og má nefna að þegar Johannes mætti í skólann á þriðjudaginn tóku samnemendur hans á móti honum til að sýna honum stuðning og hrósa honum fyrir að segja sögu sína.