fbpx
Þriðjudagur 20.ágúst 2019  |
Pressan

Sagan bræddi hjörtu milljóna: Nú er talið að þetta hafi allt verið eitt stórt svindl

Ritstjórn Pressunnar
Fimmtudaginn 15. nóvember 2018 13:40

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að hún hafi brætt hjörtu margra í fyrra, fréttin um heimilislausan mann sem kom ungri konu til bjargar og konuna sem launaði honum greiðan með veglegri söfnun. Nú, um ári síðar, þykir margt benda til þess að um eitt stórt svindl hafi verið að ræða.

Það var í nóvember í fyrra að sagt var frá því þegar hin 27 ára Kate McClure varð bensínlaus á þjóðvegi nærri Philadelphiu í Bandaríkjunum.

Ungur maður, sóðalegur til fara, gekk að henni og spurði hvort hann gæti mögulega aðstoðað hana. Kate sagði honum að hún hefði orðið bensínlaus og ungi maðurinn, Johnny Bobbitt, bauðst til að hjálpa henni. Hann gekk að næstu bensínstöð, notaði aleiguna sína, 20 dollara, til að kaupa bensín sem hann setti á brúsa.

Eðli málsins samkvæmt var Kate yfir sig ánægð með björgunina. Hún greiddi honum að sjálfsögðu til baka og lét hann hafa mat og föt í kjölfarið. Ágæt kynni tókust á með þeim og datt Kate það „snjallræði“ í hug að segja þessa sögu á Twitter. Sagan fór á flug og brá Kate á það ráð að hefja söfnun svo Bobby gæti að minnsta kosti haft næturstað í þokkalegu rúmi.

Söfnunin fór á flug, vægt til orða tekið, og áður en yfir lauk höfðu safnast rúmlega 400 þúsund Bandaríkjadalir, um 50 milljónir króna.

Nú greinir NBC Philadelphia frá því að Kate, sambýlismaður hennar og fyrrnefndur Johnny Bobbitt hafi verið handtekin og ákærð fyrir fjársvik. Eru þau talin hafa spunnið upp þessa fallegu sögu í þeim eina tilgangi að græða á henni peninga.

Talið er að um fjórtán þúsund manns hafi lagt söfnuninni lið á sínum tíma. Bobbitt kom sér fyrir í hjólhýsi við heimili Kate og sambýlismanns hennar en flutti burt af lóðinni eftir ósætti. Hann fór svo í mál við Kate og sambýlismann hennar síðsumars og fullyrti að hann hefði séð lítið sem ekkert af þeim peningum sem söfnuðust.

Í september síðastliðnum gerði lögreglan húsleit á heimili Kate og lagði meðal annars hald á reiðufé, skartgripi og splunkunýjan BMW. Að því er NBC greinir frá gáfu Kate og sambýlismaður hennar, Mark D’Amico, sig fram við saksóknaraembættið í Burlington-sýslu í gær. Kate og Mark eru nú í haldi lögreglu en ekki liggur fyrir hvort Johnny sé einnig í haldi. Von er á frekari tilkynningu frá lögreglu vegna þessa óvenjulega máls síðar í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 15 klukkutímum

Stærsti fjárfestir heims vill að seðlabankar sendi peninga til neytenda í næstu efnahagskreppu

Stærsti fjárfestir heims vill að seðlabankar sendi peninga til neytenda í næstu efnahagskreppu
Pressan
Fyrir 15 klukkutímum

Harry og Meghan sökuð um hræsni: Fjórar ferðir í einkaþotum á ellefu dögum

Harry og Meghan sökuð um hræsni: Fjórar ferðir í einkaþotum á ellefu dögum
Pressan
Í gær

Mike Tyson gefur upp hvað hann eyðir miklu í marijúana – Mikið meira en flesta myndi gruna

Mike Tyson gefur upp hvað hann eyðir miklu í marijúana – Mikið meira en flesta myndi gruna
Pressan
Í gær

Stórhættulegur „töfradrykkur“ nýtur enn vinsælda

Stórhættulegur „töfradrykkur“ nýtur enn vinsælda
Pressan
Fyrir 2 dögum

Borgarstjórn tekur af skarið – Nú mega konur baða sig topplausar

Borgarstjórn tekur af skarið – Nú mega konur baða sig topplausar
Pressan
Fyrir 2 dögum

Tölvuþrjótar geta sent hættuleg hljóð í gegnum hátalarana þína

Tölvuþrjótar geta sent hættuleg hljóð í gegnum hátalarana þína
Pressan
Fyrir 3 dögum

Dularfullt tíst frá CIA veldur Dönum hugarangri

Dularfullt tíst frá CIA veldur Dönum hugarangri
Pressan
Fyrir 3 dögum

Fangi á dauðadeild dó í rafmagnsstólnum í nótt

Fangi á dauðadeild dó í rafmagnsstólnum í nótt