Donald Trump, forseti, ætlar að heimsækja Kaliforníu á morgun og hitta fólk sem hefur lent í þessum miklum hamförum. Um síðustu helgi fór hann mikinn á Twitter og sagði að ástæða eldanna væri léleg stjórnun á skógræktarmálum í Kaliforníu. Þessu brugðust yfirvöld í Kaliforníu illa við sem og slökkviliðsmenn.
Eldarnir eru þeir verstu í sögu Kaliforníu. Sterkir vindir frá Kyrrahafi hafa hraðað útbreiðslu eldanna í skraufaþurrum gróðrinum. Í nýlegri umfjöllun DV er hægt að lesa nánar um ástæður þess að þessir miklu skógareldar geisa nú.
Sérþjálfaðir hundar eru notaðir við leit að látnu fólki á hamfærasvæðunum. Yfirvöld óttast að margt eldra fólk hafi ekki náð að forða sér í tíma undan eldhafinu. Rúmlega 9.000 slökkviliðsmenn berjast við eldana og koma þeir víða að úr Bandaríkjunum. Rúmlega 1.000 slökkviliðsbílar eru notaðir, auk tuga þyrla og flugvéla.
