fbpx
Miðvikudagur 21.ágúst 2019  |
Pressan

Barátta Frakka við hryðjuverk á sér langa sögu – Allt frá Sjakalanum til Íslamska ríkisins

Kristján Kristjánsson
Laugardaginn 15. desember 2018 11:30

Franskir hermenn við Eiffelturninn. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Frá 2015 hafa rúmlega 20 hryðjuverkaárásir verið gerðar í Frakklandi. Árásin á ádeilutímaritið Charlie Hebdo, árásin á Bataclan tónleikahöllin og flutningabílsárásin í Nice á Bastilludaginn eru mörgum eflaust í fersku minni en um 200 manns létust í þessum ódæðisverkum. Þá má ekki gleyma hryðjuverkinu í Strasbourg nú í vikunni þar sem þrír voru myrtir á jólamarkaði og á annan tug særðist. Saga hryðjuverka og barátta Frakka gegn þeim á sér langa sögu og eflaust er löng barátta framundan.

Þegar litið er aftur í tímann má nefna hryðjuverk hægrimanna á sjöunda áratugnum en þeim var ætlað að koma í veg fyrir að Frakkar létu Alsír af hendi sem nýlendu. Meðal annars sprengdu hægrimenn sprengju í lest í norðurhluta Frakklands 1961 og varð hún 28 að bana.

Á áttunda og níunda áratugnum voru margar hryðjuverkaárásir gerðar í Frakklandi og komu hryðjuverkasamtökin Svartur september þar stundum við sögu sem og „Sjakalinn Carlos“. Á tíunda áratugnum voru það síðan hópar frá Alsír sem stóðu á bak við margar árásir.

Margir mismunandir hópar, sem hafa ýmis baráttumál í hávegum, hafa staðið að baki þessum árásum en oft eiga baráttumálin það sameiginlegt að tengjast alþjóðlegum deilum. Af þessum sökum hafa Frakkar rekið harða stefnu hvað varðar eftirlit og refsingar í hryðjuverkamálum en hafa lagt minni áherslu á forvarnarstarf.

Þessi aðferðafræði gaf góða raun þar til 2012 þegar ný bylgja hryðjuverka skall á landinu en hún hófst með þremur árásum Mohammed Merah á tæpum tveimur vikum í suðurhluta landsins. Síðan þá hafa rúmlega 20 hryðjuverkaárásir verið gerðar í landinu.

Eflaust liggja margvíslegar ástæður að baki því hversu oft Frakkland er skotspónn hryðjuverkamanna og hafa sérfræðingar meðal annars nefnt til sögunnar hversu virka utanríkisstefnu Frakkar reka. Þeir hafa tekið þátt í baráttunni gegn hryðjuverkasamtökum á borð við Íslamska ríkið í Sýrlandi og Írak. Einnig hafa samfélagsleg vandamál innanlands verið nefnd til sögunnar en margir, oft á tíðum innflytjendur eða afkomendur þeirra, telja sig standa utan samfélagsins því þeir eiga erfitt með að fóta sig í samfélaginu, fá vinnu og lifa eðlilegu lífi. Þetta getur ýtt þeim, oft eru þetta ungir karlar úr úthverfum stórborganna, út í afbrot og síðan áfram í hendur hryðjuverkasamtaka sem vilja gjarnan nýta sér krafta þeirra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 19 klukkutímum

Hugsanlega eru allt að 10 milljarðar jarðlíkra pláneta í vetrarbrautinni okkar

Hugsanlega eru allt að 10 milljarðar jarðlíkra pláneta í vetrarbrautinni okkar
Pressan
Fyrir 20 klukkutímum

Fær 650 milljónir á ári fyrir að gera ekki neitt

Fær 650 milljónir á ári fyrir að gera ekki neitt
Pressan
Í gær

Vilja kalla breska þingið saman vegna umtalaðrar skýrslu um Brexit

Vilja kalla breska þingið saman vegna umtalaðrar skýrslu um Brexit
Pressan
Í gær

Nokkrir hlutir sem þú vissir ekki að þú vildir vita

Nokkrir hlutir sem þú vissir ekki að þú vildir vita
Pressan
Í gær

Norska lögreglan er með nýjar upplýsingar í máli Anne-Elisabeth – Skýrir fyrst frá þeim í haust

Norska lögreglan er með nýjar upplýsingar í máli Anne-Elisabeth – Skýrir fyrst frá þeim í haust
Pressan
Í gær

Leyfði 12 ára dótturinni að keyra – Það endaði með banaslysi

Leyfði 12 ára dótturinni að keyra – Það endaði með banaslysi
Pressan
Fyrir 2 dögum

Íslenskt þang á að bjarga þjóðarrétti Bandaríkjamanna

Íslenskt þang á að bjarga þjóðarrétti Bandaríkjamanna
Pressan
Fyrir 2 dögum

Hélt að hún væri með nýrnasteinskast – Fór á sjúkrahús og trúði varla því sem læknarnir sögðu

Hélt að hún væri með nýrnasteinskast – Fór á sjúkrahús og trúði varla því sem læknarnir sögðu