Lögfræðistofan Corboy & Demetrio hefur lagt fram kæru gegn bifreiðaframleiðandanum Tesla þar sem þeir halda því fram að gölluð rafhlaða í einni Tesla bifreið hafi valdið banaslysi á síðasta ári þar sem 18 ára drengur lét lífið. Reuters greinir frá þessu.
Barrett Riley ók og Edgar Moserratt Martinez var farþegi í bifreið frá framleiðandanum Tesla í maí á síðasta ári en þeir létu báðir lífið þegar bifreiðin lenti á steinsteyptum vegg í Flórída, segir í kærunni.
Kæran kemur frá dánarbúi Martinez.
Lögfræðistofan greindi frá því að aðeins tveimur mánuðum fyrir slysið hafi foreldrar ökumannsins komið fyrir í bifreiðinni forriti frá Teslu sem átti að koma í veg fyrir að bifreiðinni væri ekið yfir ákveðnum hraða. Riley hafði þó látið fjarlægja hraðartakmarkarann á öðru verkstæði Teslu, án vitundar foreldra sinna.
Í kærunni er því einnig haldið fram að bílaframleiðandinn hafi gerst sekur um vanrækslu þegar takmörkunin var fjarlægð.
„Enginn bíll hefði haft af árekstur á slíkum ofsahraða,“ segir Tesla í yfirlýsingu, en þegar slysið varð þá var bifreiðinni ekki á yfir 180 km/klst. Tesla bætir svo við að eftir slysið hafi fyrirtækið, í minningu ökumannsins, boðið Tesla eigendum upp á uppfærslu á bifreiðum þeirra sem með fylgdi möguleiki á hraðatakmörkun.
Í kærunni er því haldið fram að Tesla hafi „misfarist að vara viðskiptavini sína við hættulegu ástandi rafhlöðunnar.“.
Bandaríska umferðaröryggisstofnunin rannsakaði slysið.
Lögfræðistofan segir að kviknað hafi af sjálfsdáðum í yfir tíu Tesla rafhlöðum víðs vegar um heiminn.
