fbpx
Mánudagur 25.mars 2019
Pressan

Eiginkonu eins ríkasta manns Noregs rænt – Krefjast 1,3 milljarða í lausnargjald

Kristján Kristjánsson
Miðvikudaginn 9. janúar 2019 07:48

Anne-Elisabeth Falkevik Hagen og heimili hennar. Skjáskot af vef Aftenposten.

Ekki missa af Helstu tíðindum dagsins í pósthólfið þitt

Lesa nánar

Miðvikudaginn 31. október 2018 hvarf Anne-Elisabeth Falkevik Hagen frá heimili sínu í Lørenskog í Akershus í Noregi og hefur ekkert til hennar spurst síðan. Lögreglan hefur unnið að rannsókn málsins af miklum krafti og hefur haldið því leyndu þar til í dag. Ekki er annað vitað en að Anne hafi verið rænt en lausnargjalds hefur verið krafist fyrir hana. Mannræningjarnir vilja fá 9 milljónir evra greiddar í rafmynt fyrir að láta hana lausa en það svarar til um 1,3 milljarða íslenskra króna. Þeir hafa hótað að vinna henni mein ef lögreglunni væri skýrt frá málinu eða það gert opinbert.

Norskir fjölmiðlar skýrðu frá þessu í morgun. VG segir að lögreglan hafi lagt nótt við dag til að hafa upp á Anne en hafi lítið miðað við rannsókn málsins. Nú hafi verið ákveðið að skýra opinberlega frá því, nákvæmlega 10 vikum eftir að Anne var numin á brott. Blaðið segir að ekkert hafi heyrst eða spurst til Anne á þessum 10 vikum.

Auk norsku lögreglunnar hafa Europol og Interpol unnið að málinu. Norskir fjölmiðlar hafa vitað af málinu um langa hríð en fóru að hvatningu lögreglunnar um að skýra ekki frá því fyrr en nú.

Anne, sem er 68 ára þriggja barna móðir og amma, var numin á brott frá heimili sínu á Sloraveien á Fjellhamar. Ekki voru merki um innbrot á vettvangi og engar eftirlitsmyndavélar voru í eða við húsið. VG segir að kenning lögreglunnar gangi út á að Anne hafi verið gripin nauðug inni á baðherbergi hússins og flutt á brott, vísbendingar fundust um það í húsinu. VG segist hafa upplýsingar um að skrifuð skilaboð, á bjagaðri norsku, hafi fundist í húsinu og að í þeim hafi komið fram að ef lögreglunni yrði tilkynnt um málið yrði Anne drepin.

VG segir að lausnargjaldsins sé krafist í Monero rafmyntinni sem er þekkt fyrir að vera órekjanleg og allar færslur eru nafnlausar. Það þýðir að ómögulegt er að sjá hver sendir hverjum hvað og af þessum sökum nota margir afbrotamenn þessa rafmynt.

Blaðið segir að einhver samskipti hafi átt sér stað með dulkóðuðum skilaboðum til þeirra sem segjast hafa rænt Anne en þessi samskipti hafi ekki verið mikil.

Anne giftist Tom Hagen þegar hún var 19 ára og eiga þau þrjú börn og mörg barnabörn. Tom Hagen er einn ríkasti maður Noregs en hann hefur hagnast á kaupum og sölu á raforku auk fasteignaviðskipta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 3 dögum

Boeing í veseni: Flugfélagið afpantar 49 þotur

Boeing í veseni: Flugfélagið afpantar 49 þotur
Pressan
Fyrir 3 dögum

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu
Pressan
Fyrir 3 dögum

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga
FréttirPressan
Fyrir 4 dögum

Morðingi Aleshu játar brot sín: Sýnir mörg einkenni um andfélagslegan persónuleika

Morðingi Aleshu játar brot sín: Sýnir mörg einkenni um andfélagslegan persónuleika
Pressan
Fyrir 4 dögum

„Allir vinir mínir skotnir til bana en ég fékk ekki skrámu“

„Allir vinir mínir skotnir til bana en ég fékk ekki skrámu“
Pressan
Fyrir 4 dögum

Sæðið varð prestinum að falli

Sæðið varð prestinum að falli
Pressan
Fyrir 4 dögum

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar