fbpx
Mánudagur 25.mars 2019
Pressan

Lokanir bandarískra ríkisstofnanna draga dilk á eftir sér – Þjóðgarði lokað vegna umgengni

Erla Dóra Magnúsdóttir
Miðvikudaginn 9. janúar 2019 18:00

Ekki missa af Helstu tíðindum dagsins í pósthólfið þitt

Lesa nánar

Lokanir ríkisstofnana í Bandaríkjunum draga dilk á eftir sér. Mikill hluti þjóðgarðsvarða var sendur í leyfi á meðan lokunum stendur en þá óðu gestir Joshua Tree þjóðgarðsins um eftirlitslausir. Afrakstur þess var mikil uppsöfnun á rusli og úrgangi sem olli því að ákvörðun var tekin um að loka fyrir umferð gestkomandi um garðinn. Þeir starfsmenn sem eftir eru vinna nú að því að hreinsa svæðið og tryggja öryggi framtíðar gesta og náttúruauðlinda. 

Joshua Tree þjóðgarðurinn í Kaliforníu tilkynnti í gær að gyrt yrði fyrir umferð gesta á meðan lokun ríkisstofnana stendur yfir. Pressan greindi frá því fyrr í dag að Trump Bandaríkjaforseti ætli ekki að slaka á kröfum sínum um byggingu múrs á landamærum Bandaríkjanna og Mexíkó, en vegna þeirra áforma hafa þingmenn demókrata neitað að samþykkja fjárlög, sem meðal annars fela í sér fjármögnun múrsins. Þær ríkisstofnanir sem ekki hafa fengið samþykkta fjárveitingu fyrir árið eru því í lamalesti og bíða þess að úr deilunum leysist.

Sjá einnig: Trump ætlar ekki að gefa sig með múrinn – kennir demókrötum um lokanir ríkisstofnana

Þjóðgarðinum verður, eins og áður segir, lokað vegna umgengni og skemmdaverka gesta hans, en ekki hefur verið fært að hafa fullnægjandi eftirlit. Um 16 þúsund af þeim 19 þúsund þjóðgarðsvörðum sem voru við störf fyrir lokanirnar hafa verið sendir í leyfi. Garðar eru með lágmarksmönnun á gífurlega stórum svæðum og ekki fært að haga starfsemi með óbreyttum hætti. Í Joshua Tree þjóðgarðinum hafi gestir nýtt eftirlitsleysið með hryllilegri umgengni og skemmdaverkum. Þeir starfsmenn garðarins sem eftir eru munu nýta lokunina til að sinna hreinsunarstörfum og til að tryggja öryggi framtíðargesta og náttúrulegra auðlinda.

Ástandið á garðinum þykir sýna fram á hversu mikilvægum störfum þjóðgarðsverðir sinna. Þeir tryggja að gestir fái að njóta verunnar í náttúrunni án þess að þurfa að óttast um eigið heilsu eða öryggi sem og til að koma í veg fyrir náttúruspjöll.

„Yfirfullar ruslatunnur, úrgangur manna á óviðeigandi stöðum, deilur um bílastæði og fleira eru allt ógnir við öryggi gesta og náttúrulífs sem og stuðla gegn vernd náttúrulegra og menningarlegra auðlinda,“ segir John Garder, fjármálastjóri náttúruverndarstofnunnar.

Gestir á bifhjólum hafa með akstri sínum búið til nýja vegi með tilheyrandi náttúruspjöllum sem og eyðilagt eitthvað af Joshua trjánum, sem eru í útrýmingarhættu.

Síðan lokun ríkisstofnana Bandaríkjanna hófst fyrir 18 dögum hafði mikið rusl og úrgangur safnast fyrir í þjóðgarðinum Yosemite en það olli meðal annars skertum viðbragðstíma maður lést þar af slysförum.

Joshua Tree þjóðgarðurinn er fyrsti þjóðgarðurinn til að grípa til þessara rótæku aðgerða til að tryggja vernd náttúruauðlinda á meðan lokunum stendur. Margir garðar eru enn opnir fyrir umferð gesta, en líða þó fyrir skort á eftirlitsaðilum. Nokkrir þjóðgarðar hafa gripið til þess ráðs að loka vinsælum gönguleiðum og vettvöngum, en enginn annar en Joshua Tree garðurinn hefur lokað alfarið fyrir heimsóknir.

„Þjóðgarðsverðir munu halda áfram að fara í eftirlitsferðir um garðinn og fylgja eftir lokun hans þar til starfsmenn hafa lokið hreinlætis- og öryggisstörfum,“ segir í yfirlýsingu frá garðinum í tilefni lokunar hans.

Sumir þjóðgarðar ná aðeins að halda starfsemi sinni gangandi vegna þess að þeim hafa borist fjárgjafir og Joshua Tree þjóðgarðurinn þakkaði  samfélögum úr nærumhverfi sínum fyrir alla aðstoðina og stuðninginn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 3 dögum

Boeing í veseni: Flugfélagið afpantar 49 þotur

Boeing í veseni: Flugfélagið afpantar 49 þotur
Pressan
Fyrir 3 dögum

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu

Ótrúleg hetjudáð 13 ára pilts -Bjargaði 50 skólabörnum sem átti að myrða á Ítalíu
Pressan
Fyrir 3 dögum

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga

Martröð ungrar móður: Tveggja ára sonur hennar dó í svefni – Þá byrjuðu árásirnar frá andstæðingum bólusetninga
FréttirPressan
Fyrir 4 dögum

Morðingi Aleshu játar brot sín: Sýnir mörg einkenni um andfélagslegan persónuleika

Morðingi Aleshu játar brot sín: Sýnir mörg einkenni um andfélagslegan persónuleika
Pressan
Fyrir 4 dögum

„Allir vinir mínir skotnir til bana en ég fékk ekki skrámu“

„Allir vinir mínir skotnir til bana en ég fékk ekki skrámu“
Pressan
Fyrir 4 dögum

Sæðið varð prestinum að falli

Sæðið varð prestinum að falli
Pressan
Fyrir 4 dögum

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar

Óvenjulegt rán í hraðbanka: Sjáðu hvað hann gerði þegar hann sá stöðuna á bankareikningi konunnar