fbpx
Föstudagur 19.apríl 2019
Pressan

Dularfulla skiltamálið – Hver stelur skiltunum? Af hverju voru þau send aftur til bæjarins?

Kristján Kristjánsson
Þriðjudaginn 12. febrúar 2019 05:59

Hluti skiltanna sem var skilað. Mynd:Sara Termansen/Esbjerg Kommune

Ekki missa af Helstu tíðindum dagsins í pósthólfið þitt

Lesa nánar

Undanfarin sex ár hefur fjölda skilta verið stolið í Esbjerg á Jótlandi í Danmörku. En það eru ekki öll skilti sem heilla þjófinn/þjófana því það eru græn málmskilti með nöfnum almenningsgarða sem hverfa á dularfullan hátt.

Byrjað var að setja slík skilti upp við almenningsgarða og opin svæði í bænum fyrir sex árum. Fljótlega byrjuðu þau að hverfa. Ekki er vitað hver eða hverjir eru að verki eða hvaða ástæða liggur að baki þessum þjófnuðum. Það jók síðan dulúðina í kringum þetta enn frekar að í síðustu viku var pakki, með fullt af þessum skiltum, sendur til ráðhússins.

Margar kenningar hafa verið á lofti um þetta dularfulla mál. Því hefur verið velt upp hvort hér sé á ferð safnari sem safni skiltum sem þessum? Eða hvort hér séu fingralangir unglingar á ferð? Nú, eða einhver sem telur að skiltin séu verðmæt.

Starfsmenn sveitarfélagsins segjast varla hafa undan að setja skilti upp, þau hverfi jafnóðum. Þar á bæ hafa menn ekki yfirsýn yfir hversu mörg skilti hafa horfið en vita þó að þau eru mörg.

13 af þessum skiltum skiluðu sér síðan í póstkassa sveitarfélagsins í síðustu viku. Það var ekki til að draga úr vangaveltunum og sagði einn starfsmaður sveitarfélagsins í samtali við jv.dk að hugsanlega hafi samviskan farið að naga þjófinn eða að foreldri hafi fundið skiltin inni í unglingaherberginu og hafi sent unglinginn til að skila þeim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Ein lengsta aparóla heims slitnaði með skelfilegum afleiðingum

Ein lengsta aparóla heims slitnaði með skelfilegum afleiðingum
Pressan
Í gær

Ríkasti maður Kína: „72 tíma vinnuvika er gjöf“

Ríkasti maður Kína: „72 tíma vinnuvika er gjöf“
Pressan
Fyrir 2 dögum

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar

Katie Boumann átti stóran þátt í fyrstu myndinni af svartholi – Í kjölfarið fóru netverjar að efast um verk hennar
Pressan
Fyrir 2 dögum

Í mál við mömmu og pabba því þau hentu klámsafninu

Í mál við mömmu og pabba því þau hentu klámsafninu