Það er því gott að eiga afa og ömmu þegar aðstoðar er þörf, svona ef foreldrarnir þurfa að hvíla sig aðeins eða sinna hversdagslegum hlutum á borð við vinnu.
Nýlega fékk dóttir David Waterhouse, sem er lögreglumaður á eftirlaunum í Bandaríkjunum, hann til að passa son sinn, Ty, því hún og eiginmaðurinn ætluðu í helgarfrí til að safna kröftum. David var því fenginn til að eyða helginni saman með heitt elskuðu barnabarni sínu. Foreldrarnir fóru í fríið og Ty var hjá afa.
En síðan fóru skilaboð að berast í farsíma foreldranna, skilaboð sem þau munu aldrei gleyma.
David er ekki mjög nútímavæddur þegar kemur að tækni og notar ekki Facebook eða aðra samfélagsmiðla. Hann gat því ekki sent foreldrunum, sem voru auðvitað pínu áhyggjufullir yfir hvernig afa myndi reiða af, skilaboð í gegnum samfélagsmiðla. En David dó ekki ráðalaus enda kann hann að senda sms og mms.
Hann sendi foreldrunum því skilaboð, sem eru blanda af nútímatækni (þó ekki þeirri allra nýjustu) og gamla tímanum.
Hann lagði Ty einfaldlega við hliðina á bréfi sem hann hafði skrifað. Síðan tók hann mynd og sendi sem mms til foreldranna. Flókið var þetta ekki en bæði fyndið og ógleymanlegt fyrir foreldrana.
Í myndbandinu hér fyrir neðan er hægt að sjá öll þau frábæru skilaboð sem David og Ty sendu „áhyggjufullum“ foreldrunum.