Ristað brauð getur valdið neytendum þess meiri skaða heldur en þeir verða fyrir, standi þeir á umferðarþungum gatnamótum, ef marka má nýlega rannsókn.
Besta ráðið við ristun brauðs er að „stefna á gullið“ eða með öðrum orðum, leyfa brauðsneiðinni að verða aðeins gyllt. En ekki meira en það. Brennt brauð er, samkvæmt téðri rannsókn, alveg sérlega skaðlegt neytendum.
Rannsókn Háskólans í Texas, Bandaríkjunum sýndi fram þá hættu sem stafar af þeirri innanhúss mengun, sem brennt ristað brauð getur valdið.
Talskona rannsóknarinnar, Maria Vance sagði : „Þegar þú ristar brauð þá hitnar hita elementið mylsnu og aðrar leyfar í brauðristinni, þar á meðal olía. Þegar þú bætir svo brauðinu við þetta þá er brauðristin að fara að gefa frá sér alls kyns efni. Við höfum greint etanól, sem kemur frá geri. Ef aðeins smá hluti brauðsneiðarinnar snertir hita elementið þá sérðu það bara frá reyknum sem vði það kemur, eða frá mylsnunni í botninum.“
„Þetta leiðir til það sem má kalla mjög óheilbrigt magn af loftmengun samanborið við loftgæðin utanhúss“
Rannsóknin var gerð með þeim hætti að byggð var eftirmynd af hefðbundni fjögurra herbergja íbúð sem var útbúin tæknibúnaði sem lagði mat á loftgæði gervi-heimilisins á meðan hefðbundnum heimilisstörfum, á borð við þrif og matseld, var sinnt.
Rannsóknin sýndi þó fram á fleiri skaðvalda en ofristað brauð. Hreinsiefni, lofthreinsitæki og ilmsprey geta verið hættuleg sem og matseld á borð við að rista og steikja. Allt þetta getur mengað loftið inni á heimili þínu.