fbpx
Þriðjudagur 26.mars 2019
Pressan

NASA ætlar að senda menn til tunglsins innan nokkurra ára

Kristján Kristjánsson
Mánudaginn 18. febrúar 2019 17:00

Alan B. Shepard Jr stillir mælitæki á tunglinu 1971. Mynd:NASA

Ekki missa af Helstu tíðindum dagsins í pósthólfið þitt

Lesa nánar

Bandaríska geimferðastofnunin NASA hyggst senda menn á nýjan leik til tunglsins en síðast stigu menn fæti þar 1972. Á þessu ári eru 50 ár liðin síðan Neil Armstrong steig þar fyrstur manna niður fæti. Nú á að senda menn til tunglsins og koma upp varanlegri bækistöð þar.

Donald Trump, Bandaríkjaforseti, kynnti á síðasta ári nýja tilskipun um að NASA eigi að einbeita sér að tunglinu og nú hefur verkefninu verið flýtt að sögn AFP. NASA segir nú að menn verði sendir til tunglsins á nýjan leik 2028 og hefur óskað eftir aðstoð einkafyrirtækja við verkefnið.

„Það er mikilvægt að við förum aftur til tunglsins eins fljótt og unnt er. Þegar við förum næst til tunglsins er það til að vera þar. Við ætlum ekki að fara aftur og stinga niður fána og gera fótspor og fara síðan aftur heim og koma ekki aftur í 50 ár. Við förum með lendingarför, vélmenni og fólk.“

Segir Jim Bridenstine, yfirmaður hjá NASA.

Stofnunin hefur beðið einkafyrirtæki um að senda inn tillögur að margnota lendingar- og flutningageimförum og lausnir á eldsneytisvandamálum. Frestur til að skila inn tillögum rennur út 25. Mars. NASA reiknar með að velja samstarfsaðila sína í maí. Í sumar verða svo gerðir samningar upp á 9 milljónir dollara um frekari rannsóknir.

William Gerstenmeier, sem stýrir þeirri deild NASA sem sinnir mönnuðum geimferðum, segir að verkefnið muni ganga hratt fyrir sig. Það þurfi að fá það besta og snjallasta úr þessum geira og frá alþjóðasamfélaginu til að þetta takist.

Hér sést Neil Armstrong á tunglinu. Mynd:NASA

Markmiðið er að gera tunglferðir sjálfbærar þannig að hægt sé að halda uppi reglulegum ferðum þangað. Einn liður í því er að NASA hyggst byggja geimstöð sem verður á braut um tunglið. Þar eiga geimfarar að geta stoppað við á leið sinni til tunglsins. Flutningaför eiga síðan að geta flutt lendingaförin til og frá braut sinni um tunglið og séð geimstöðinni fyrir eldsneyti.

Fyrsta reynsluferðin á að vera 2024 en þá á að senda ómannað geimfar til tunglsins en það á ekki að koma aftur til jarðar. Geimstöðin á að vera tilbúin 2026 og þá á að senda geimfara þangað og lendingarfar. Lendingarfarið verður síðan sent, mannlaust, til tunglsins og á síðan að snúa aftur til geimstöðvarinnar.

2028 á að senda fjóra geimfara til geimstöðvarinnar ásamt vistum, búnaði og eldsneyti. Síðan er ætlunin að þeir fari frá geimstöðinni til tunglsins. Áður á þó að senda að minnsta kosti 12 geimför með ýmsan búnað til tunglsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 3 dögum

Boeing í veseni: Flugfélagið afpantar 49 þotur

Boeing í veseni: Flugfélagið afpantar 49 þotur