fbpx
Þriðjudagur 26.mars 2019
Pressan

Haturssamtök aldrei verið fleiri

Ritstjórn Pressunnar
Fimmtudaginn 21. febrúar 2019 17:30

Ekki missa af Helstu tíðindum dagsins í pósthólfið þitt

Lesa nánar

Aldrei hafa fleiri haturssamtök verið starfrækt í Bandaríkjunum en nú og eru þau nú 1.020 talsins. Þetta er samkvæmt nýbirtum tölum frá Southern Poverty Law Center, bandarískum samtökum sem fylgjast með þróun mála í þessum efnum.

Tölurnar taka til ársins 2018 og fjölgaði samtökum, sem skilgreind eru á þennan hátt, um sjö prósent frá árinu 2017. Haturssamtökum fjölgaði síðast í kjölfarið á því að Barack Obama var kjörinn Bandaríkjaforseti, fyrstur blökkumanna.

Fyrra metið, ef svo má segja, féll árið 2011 þegar 1.018 haturssamtök voru starfrækt í Bandaríkjunum. Þeim fækkaði svo lítillega ár frá ári, allt til ársins 2015 að þeim fjölgaði á ný. Er nú svo komið að haturssamtökum hefur fjölgað um 30 prósent frá árinu 2015.

Ýmsar getgátur eru uppi um hvers vegna þessi þróun á sér stað vestan hafs. Forsvarsmenn Southern Poverty Law Center telja að orðræðu Donalds Trumps Bandaríkjaforseta sé að einhverju leyti um að kenna. Trump hefur verið gagnrýndur fyrir að ala á útlendingaandúð og þá hefur hann reynt markvisst að stemma stigu við komu flóttafólks til Bandaríkjanna.

Þá segja samtökin að internetið geri haturssamtökum auðvelt um vik að dreifa boðskap sínum. Þar sé auðvelt að birta áróður og safna fylgjendum. Samkvæmt tölunum hefur samtökum hvítra þjóðernissinna fjölgað mest, eða úr 193 fyrir tveimur árum í 264 nú.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Nóttin sem tónlistin dó

Nóttin sem tónlistin dó
Í gær

Framkvæmdastjórinn hættir hjá SVFR

Framkvæmdastjórinn hættir hjá SVFR
Pressan
Fyrir 3 dögum

Rúður sprungu í sex kílómetra radíus

Rúður sprungu í sex kílómetra radíus
Pressan
Fyrir 3 dögum

Undirbúa sig undir Brexit – Milljónir klósettrúlla á lager

Undirbúa sig undir Brexit – Milljónir klósettrúlla á lager
Pressan
Fyrir 4 dögum

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði

Gamli maðurinn fór daglega að leiði konu sinnar – Dag einn fylgdi sonurinn á eftir og sá hvað hann gerði
Pressan
Fyrir 4 dögum

Minni líkur á að Evrópubúar og Bandaríkjamenn fái elliglöp en áður

Minni líkur á að Evrópubúar og Bandaríkjamenn fái elliglöp en áður
FréttirPressan
Fyrir 4 dögum

Morðingi Aleshu játar brot sín: Sýnir mörg einkenni um andfélagslegan persónuleika

Morðingi Aleshu játar brot sín: Sýnir mörg einkenni um andfélagslegan persónuleika
Pressan
Fyrir 4 dögum

„Allir vinir mínir skotnir til bana en ég fékk ekki skrámu“

„Allir vinir mínir skotnir til bana en ég fékk ekki skrámu“