Hætturnar geta svo sannarlega leynst víða og er heimili fólks engin undantekning í þeim efnum. Fjögurra ára piltur í Philadelphiu lést af slysförum á heimili sínu á dögunum.

Í frétt AP kemur fram að myndarammi, sem var veggfastur, hafi losnað af veggnum með þeim afleiðingum að hann datt á gólfið og splundraðist.

Pilturinn ungi, Adrian Ortega, var að leik skammt frá ásamt tveimur systrum sínum. Svo virðist vear sem Adrian hafi skriðið yfir glerbrotin og skorist illa á kviðnum. Hann var fluttur á sjúkrahús þar sem hann var úrskurðaður látinn skömmu síðar.

Lögregla fer með rannsókn málsins.